Padayon nga nagamonitor ang ahensya sang PDRRMO halin sa pag umpisa sang ulan kahapon sang hapon January 14, 2025 tubtob subong nga aga January 15, 2025.
Ini ang ginkumpirmar ni Rolly Doane Aquino, ang Regional Director sang PDRRMO South Cotabato sa interview sang Bombo Radyo Koronadal.
Ila man gin chekyar ang mga ginaagyan sang mga tubig.
Samtang, nakapreparar naman ang ila ahensya ilabi na ang pag chekyar sang drainage system agud ma drain ang mga kanal kag tulay pati man ang mga heavy equipment nga naka standby para sa nasambit nga pag responde.
Suno kay Aquino, nakig-angot ang ila ahensya sa mga LGU’s agud mas madali nga maka responde sa maapektuhan sang kalamidad.
Nagapanawagan ini sa katawhan nga magin mahalong kag nagapahibalo nga naka monitor ini sang 24 oras batok sa padayo nga pag ululan sa South Cotabato.
