Aminado ang Philippine Coast Guard (PCG) nga indi mangin mahapos ang ginaplanong pagpangita sa mga ginatudlo nga missing nga sabungero nga posible ginhaboy sa Taal Lake.
Sa pahayag ni PCG Spokesperson Capt. Noemie Cayabyab, ginbuyagyag sini nga posible nga mag-atubang sang madamo nga mga kabudlayan ang ila mga technical divers.
Yara ang Taal Lake sang kadalumon nga 170 metros, samtang ang pinakadalom nga nasisid sang ila divers amo lang ang 100 metros.
Isa pa, ginakonsiderar man sang PCG ang malain nga kalidad sang tubig sa lawa, upod ang malain nga paniempo bangud sang padayon nga pag-ulan.
Ginapaminsar man sang PCG ang aktibidad sang Bulkang Taal bilang kabahin sang ila pagplano kag seguridad sa operasyon.
Dugang pa, tungod nga dugay na nga yara sa ilalom sang tubig ang mga lawas sang mga ginapanag-iyahan nga sabungero, posible nga wala na ini sa lugar nga ginhaboy sila kon matuod man.
Sa pihak sini, ginpahayag ni Cayabyab nga makig-angot ang PCG sa Philippine Navy agud mabuligan kag mapadasig ang operasyon, agud matapna ang kasubo sang mga pamilya nga sang sobra apat ka tuig na nga nagahulat sang hustisya kag balita sa ila himata.
