-- ADVERTISEMENT --
KORONADAL CITY – Gilayon nga ginpalubong sang pamunuan sang District Hospital sa banwa sang Norala, South Cotabato ang nasapwan nga patay nga lapsag comfort room (CR) pasado alas-12 sang udto, Lunes nga adlaw, Hulyo 29,2024.
Ang pagpalubong sa nasambit nga lapsag ang may koordinasyon sang mga kapulisan, MSWDO kag LGU Norala.
Ini agud nga mahatagan sang nagakaigo nga lubong ang isa ka anghel nga ginhaboy sang wala pa makilala nga ginikanan sini.
Sa karon, nagapadayon ang imbestigasyon sang mga otoridad kun sin-o ang responsable sa paghaboy sang lapsag sa CR kag kun sin-o ang ginikanan sini.
Nahibaluan nga nasapwan na lamang ang lapsag nga wala na sang kabuhi nga ginapatihan nga bag-o lamang bun-ag bangud nakatabid pa ang pusod sini.
