Patay nga Lalaki, nasapwan sa Tupi, SoCot; puno sang pilas kag may tape sa ulo

Isa ka bangkay sang lalaki ang nasapwan sa isa ka liblib nga parte sang Purok Big Spring, Barangay Cebuano, Tupi, South Cotabato.

Sunô sa mga report, ang lawas ginlubong sa duta kag nadiskubrehan sang mga residente.

Ang lalaki nga wala pa nakilal-an may pilas sa liog kag may tape nga ginhigot sa iya ulo.

Sa karon, ang patay nga lawas yara sa Bantawig Funeral Home sa banwa sang Tupi, kag nagapadayon ang imbestigasyon sang mga otoridad agud makilala kon sin-o ang biktima.

Padayon man subong ang pag-imbestiga kag pagkolekta sang mga ebidensya sang mga otoridad agud makilala ang mga suspek kag mahibaluan ang bug-os nga detalye sang insidente.