Patay ang isa nga katapo sang Daulah Islamiyah – Maute Group makaligad nga nagluntad ang isa ka engkwentro sa mga militar sa bahin sang Barangay Kalangan, Piagapo, Lanao del Sur samtang pilason naman ang isa ka katapo sang AFP.
Suno kay Western Mindanao Command (WestMinCom) Commander Lt. Gen. Antonio Nafarrete, nagluntad ang engkwentro ang grupo sang Scouth Ranger Company kontra Daulah Islamiyah – Maute Group (DI-MG) nga nagdugay sang 15 ka minutos.
Makaligad ang pila ka mga oras, liwat nga nagluntad ang engkwentro sa grupo sang 44th Infantry Battalion (44thIB) batok sa halos napulo ka mga miyembro sang DI-MG nga ginapatihan nga ginapangunaha sang isa ka alyas “Usman” sa diin nag dugay man sang 15 ka minutos.
Makaligad ang engkwentro, napatay ang isa sa katapo sang DI – MG samtang pilason naman ang isa ka militar.
Narekober naman sang otoridad ang nanari-sari nga mga matag-as nga kalibre sang armasluthang nga ginalakipan sang (1) unit ng M16 Riffle, (1) unit ng M14 Riffle, (32) rounds na mga bala ng 5.56 mm, (2) riffle grenade, (5) bala ng 7. 62 mm, (M1 Garand, (1) IED Circuit indicator, kag pila pa ka personal nga kagamitan.
Gindayaw naman ni Lt. Gen. Nafarrete ang kaisog kag dedikasyon sang Joint task force sa padayon nga pagpakigbato batok sa mga rebelde nga grupo nga luyag nga gub-on ang kalinong sang lugar.
Una na nga gin pahayag ni LTC.Roden Orbon- ang tigpamaba sang 6ID, PA nga padayon ang paghimo sang mga ini sang pamaagi agud nga mangin malinong ang South Central Mindanao batok sa mga katapo sang terrorista nga grupo sang Daulah Islamiya kag BIFF sa Area of Responsibility sang 6ID, PA
