Nalooy na suno pa si Pastor Apollo Quiboloy sa mga miembro sang KOJC bangud sa pagpang-abusar sang kapulisan sa gahom sang mga ini kabangdanan nga napilitan nga mag-sungka sa mga otoridad ang kontrobersiyal nga pastor.
Ini ang nangin pahayag ni Jeffrey “Ka Eric” Celiz- Secretary General sang SAMBAYANAN sa interview sang Bombo Radyo Koronadal// Suno pa sa iya upod man sini nga nagsungka amu ang kanday Jackielyn Roy, Ingrid Canada, Cresente Canada, kag Sylvia Cemañes.
Sa lima ka pugante, tatlo diri ang nagsuprer sang high blood pressure base sa medical examination sang Philippine National Police (PNP).
Sang ginpamangkot naman sang media kon nalakip sa tatlo si Quiboloy, nagsabat si PNP Spokesperson PCol. Jean Fajardo nga indi sia hilway nga ibuyagyag ang detalye bangud sa ‘patient-doctor confidentiality’.
Ginpahayag man sang pulis nga natapos na ang booking procedure sa Camp Crame nga ginlakipan sang pagkuha sang mugshot ni Quiboloy kag fingerprints sini.
Gin-asisteran naman sang mga abogado sang KOJC si Quiboloy kag apat ka iban pa nga nagsungka sa mga otoridad. Ginkilala ang mga ini kanday Jackielyn Roy, Ingrid Canada, Cresente Canada, kag Sylvia Cemañes.
Magluwas sa pagka-wanted sa United States bangud sa sex trafficking, fraud kag iban pa nga krimen, nagapangatubang man si Quiboloy sang arrest warrants halin sa Senado bangud sa indi sini pagtambong sa imbestigasyon sa ginaalegar nga pagpang-abuso sa KOJC, kag gikan sa duha ka nga korte para sa kaso nga child and sexual abuse kag human trafficking.
Nakadepende naman suno pa kay Celiz ang madason nga tikang sang kampo ni Pastor Apollo Quiboloy agud ma depensahan ang kinamatarong sini
