Panibag-o nga pagsaka sang presyo sang gatong, lauman sa masunod nga semana

Nakatalana nga magpatuman ang mga kumpaniya sang gatong sang bag-o nga pagsaka sang presyo sa mga produkto sang petrolyo sa masunod nga semana.

Suno sa inisyal nga pag-estimate, posible nga magsaka sang P17 tubtob P20 kada litro sang diesel, samtang P4 tubtob P7 ang ginapaabot nga pagsaka sa gatong.

Sa kerosene naman, ginbulubanta nga magsaka sang P9 tubtob P12 kada litro.

Amo ini ang inisyal nga pag-estimate lang kag ang opisyal nga price adjustment iga-anunsyo sa adlaw sang Lunes, Abril 6, kag magakabig epektibo sa adlaw sang Martes, Abril 7.

Mahimo pa man magbago ang mga presyo depende sa paghulag sang presyo sang petrolyo sa world market.