Bukas ang Pilipinas sa anuman nga kuwestyon ukon ideya nga magahalin sa Us agud mas mapaayo pa ang kahimtangan sang pungsod sa tunga sang nagkalain-lain nga mga pagpanghangkat nga ginaatubang.
Suno sa Presidente, madamo sang butang nga mahimo nga pagabuligan sang US kag Pilipinas, ilabi na sa mga multilateral nga kasugtanan nga naestablisar na sa rehiyon.Ginsiling sang Presidente nga may madamo pa gid nga mga isyu ukon hilimuon nga kinahanglan talakayon sa tunga sang Pilipinas kag Amerika. Nagpasalamat man ang Presidente sa suporta nga ginahatag sang US sa modernisasyon sang Armed Forces of the Philippines (AFP).Bangud sini, nagpaathag man sang paglaum si Presidente Marcos nga magapadayon kag magalapad pa gid ang kooperasyon sang Pilipinas kag US sa palaabuton, ilabi na nga lapaw isΓ‘ ka gatos ka tuig na nga malapit ang ila relasyon.
