KORONADAL CITY – Nagpangayo sa bulig sa subong ang mga pamilya kag himata sang isa ka Pinay OFW nga gina alegar nga ginamaltratar kag subong missing sa pungsod Qatar.
Ini ang nangin ginkumpermar man ni CHRISTIAN CARL TANDOG, nobyo sang OFW nga si Marites Bolaño Batobalonos sa interview sang Bombo Radyo Koronadal.
Suno sa iya, nagtakop na ang kontrata ni Marites sa iya nga employer sini sang bulan pa sang February apang na-extend ini bangud wala pa ini nabaklan sang ticket sang iya nga amo bangud tuman pa ini ka mahal.
Magluwas sa tikang nga ini sang iya nga amo, kulang pa ang ginbayad nga sweldo sa iya nga isa man sa kabangdanan nga natingala ang iya nga mga himata sa Pilipinas.
Bangud sa ini nga mga panghitabo, nakaangkon sang maiinit nga argumento sa tunga ni Marites kag sang iya nga amo.
Gilayon nga nagpanawag sang mga pulis ang mga ini kag gin dakop sa Marites kag gindala suno pa sa presento apang wala na ini didto sang ginlaktan.
Sa subong, missing ang status ni Marites sa Qatar kag naga pangayo man sang bulig ang pamilya sini para sa madasig nga pag locate kag pag papuli kay Marites.
