KORONADAL CITY – Ginkasubo man sang mga katapo sang National Peoples Coalition (NPC) sa Mindanao ang pagtaliwan sang ginakabig nga “political kingmaker” nga si Eduardo Cojuangco, Jr.
Sa eksklusibo nga interbyu sang Bombo Radyo Koronadal kay South Cotabato former Governor kag NPC provincial chairperson Daisy Avance-Fuentes, dako nga kawad-an sa partido ang pagkapatay ni Cojuangco bangud ini ang nagserbe nga simbolo sang paghiliusa sang NPC.
Suno kay Fuentes ginakabig niya man nga adviser si Cojuangco labi na sadtong bag-uhan pa lamang siya sa pulitika.
Ginpakigbahin pa sang gobernador ang mga eksperyensiya sini kaupod i Cojuangco sa hubon man sang pulitika, negosyo ukon sports.
Sa subong handom niya ang katawhayan sa pamilya sini kag pagpalab-ot sang nakig-unong kag nagapalangga kay Cojuangco.
