KORONADAL CITY – Nagapadayon sa karon ang imbestigasyon sang mga otoridad sa nagluntad nga pagpangluthang patay sa isa ka empleyado nga sakop sang Indigenous People’s Desk sang municipal government sang Makilala sa probinsya sang Cotabato.
Sa interbyu sang Bombo Radyo Koronadal kay P/Lt.Col. Britz Estadilla Sales, Chief of Police sang Makilala PNP sa interbyu sang Bombo Radyo Koronadal.
Ginkilala ang biktima kay Jerry Loyola. Suno sa imbestigasyon sang mga otoridad, sakay si Loyola sa iya nga motor sang ginluthang ini sang mga armado nga lalaki sa isa ka bahin sang highway sa Barangay Bagong Silang sa Makilala.
Gilayon naman nga nagpalagyo ang mga suspek gamit ang ila nga motor. Wala pa klaro sa mga imbestigador sang Makilala Municipal Police Station kung sin o ang ma nagpatay kay Loyola kag kung ano ang ila nga motibo sa paghimo sang nasambit nga krimen apang dako ang pagpati ni Col. Sales nga kawat ang motibo bangud naghinali pa ang mga suspek nga kwaon ang motor sang biktima apang wala nadayon bangud wala sang gasolina.
