Gin-dayaw ni Secretary sang Department of Budget and Management (DBM) nga si Amenah Pangandaman si Presidente Marcos sa pagpaguwa sang Administrative Order 26, nga nagtugot sang isa ka beses nga paghatag sang bulig nga bugas sa tanan nga suldado kag iban pa nga uniformed personnel (MUP).
Ang AO 26, magahatag pareho nga kadamuon nga 25 ka kilo nga bugas sa tanan nga aktibo nga MUP nga magaumpisa Nobyembre 30, 2024.
Ginrekomenda sang DBM kag sang Department of Agriculture ang paghatag sang bulig nga bugas sa tanan nga MUP para sa fiscal year 2024, bilang pagkilala sa ila nga kontribusyon sa pungsod, agud buligan sila sa pag-atubang sa mga epekto sang karon nga mga problema sa sosyo-ekonomiya kag para maghatag man sang mga oportunidad sa ekonomiya para sa mga yara sa sektor sang agrikultura.
Ang bulig nga bugas igahatag sa mga awtorisado nga representante sang mga MUP halin sa Disyembre 2024 tubtob Marso 2025 sa mga gitudlo nga bodega sang National Food Authority.
Samtang, ang bulig nga bugas kuhaon sa mga lokal kag mga partisipante nga mga mangunguma sang Kadiwa ni Ani at Kita ukon Kadiwa program sang DA.
