KORONADAL CITY – Nagapadayon ang distribusyon sang food packs sa mga residente sang Koronadal nga nangin apektado sang krisis dala sang El nino phenomenon.
Ini ang ginkumpirmar ni City Disaster Risk Reduction and Management Officer Cyrus Urbano sa interview sang Bombo Radyo Koronadal.
Suno kay Urbano, magalab-ot sa masobra 20,000 ang mga residente sang Koronadal nga makabaton sang food packs nga ginalakipan sang lima ka kilo nga bugas kag anum ka delata.
Pila sa mga barangay nga nakabaton na sang food packs ang mga barangay Barangay Magsaysay, New Pangasinan, San Roque Caloocan, Paraiso kag San Isidro.
Igasunod naman ang iban pa nga mga barangay tubtob matapos ang distribution sa una nga semana sang bulan sang Hunyo.
Tuman naman ang pagpasalamat sang mga benepisaryo nga nakabaton sang food packs.
Samtang, nagpanawagan naman si Urbano sa mga wala nalista nga magpalapit lamang sa ila tagsa ka barangay bangud may nakapreparar man ang mga in inga “quick response fund”.
