Ginaduso sa karon ni Senate President Pro Tempore Jinggoy Estrada ang Senate Resolution 1290 agud tagaan pasidungog ang nagtaliwan nga beterang aktres nga si Gloria Romero, bilang ‘Queen of Philippine Cinema,’ nga nagtaliwan sang Enero 25 sa edad nga 91.
Ginpahayag ni Estrada ang mga importante nga kontribusyon ni Romero sa pelikula nga Pilipino, kabilang ang iya talento sa pag-arte, kagandahan, kag madalom nga impluwensiya sa kultura sang pungsod.
Gindayaw man ini sa iya madinag-on nga karera ni Romero nga nagumpisa pa sang 1949, kun sa diin yara na ini sang masobra 250 nga pelikula kag TV shows.
Suno man kay Estrada nga ginakabig nga ‘First Lady of Philippine Cinema’ si Romero, kag isa sa iya nga mga kilala nga nakaupod sa pelikula sini ang iya nga amay, nga si anay Presidente Joseph Estrada, sa pelikula nga ‘Patria Adorada’.
Madumduman nga dako nga kadalag-an ni Romero ukon kilala sa tunay nga kabuhi nga bilang Gloria Anne Galla sang 1954 sa pelikula nga ‘Dalagang Ilocana’, kung sa diin nakakwa ini sang iya una nga FAMAS Best Actress Award sa edad na 21.
