KORONADAL CITY – Gin-awhag ni South Cotabato Governor Reynaldo Tamayo Jr. ang tanan nga South Cotabatenos nga padayon nga maghiliusa agud nga makab-ot sang probinsiya ang paglambo, progreso kag development.
Ini ang nangin sentro sang mensahe ni Governor Tamayo kadungan sang closing program sang Silver Tnalak festival kag 58th founding anniversary sang South Cotabato.
Suno kay Governor Tamayo, ang selebrasyon sang Tnalak ang pamatuod sang manggaranon nga kultura nga may yara ang probinsiya halin pa sa aton mga katigulangan, mga katutubo kag nagasimbolo sang kasaysayan nga may-yara ang South Cotabato.
Dugang pa sang opisyal, ang kultura nga ini ang nangin dalan sang paghiliusa sang South Cotabatenos agud makab-ot ang pag-umwad sang probinsiya.
Kadungan sini, ginpasalig man sang gobernador nga ang saksipisyo sang mga nauna nga opisyal, mga vision sadto anay kag handum nga development sa probinsiya ginapadayon sang iya administrasyon.
Amat-amat naman suno pa nga nakab-ot sang probinsiya ang kadalag-an kag ginalauman nga magpadayon ini tanan agud mapamatud-an sa tanan nga “South Cotabato, Angat ka sa Lahat”.
![](https://img.bomboradyo.com/koronadal/2024/07/Gov-Tamayo-on-bomb-threat.jpg)