KORONADAL CITY – Isa nga dako nga bulig para sa mga Overseas Filipino Workers sa siyudad sang Koronadal ang pagdihon sang Federation ng mga OFW.
Sa interbyu sang Bombo Radyo Koronadal kay Jonathan Selgas, Presidente sang OFW’S Federation, isa ka maayo nga balita ang dala sang pinakauna nga gindihon nga pederasyon sa Mindanao kun sa diin makabaton sang mga pribiliheyo kag benepisyo ang mga miyembro ukon beneficiaries sini.
Lakip na diri ang scholarships sa mga bata sang mga OFWs nga yara sa kolehiyo, kag micro-finance amo man ang micro business kag enterpreneurial seminar sa tanan nga mga miyembro sang pederasyon sa bulig sang Public Employment Services Office (PESO).
Nahibaloan nga yara sa 27 barangay may representante sang nasambit nga pederasyon nga ginlunsar sang Hunyo 27, 2018 lamang.
