KORONADAL CITY – Ginpahugtan pa sang mga otoridad ang pagbantay sa posible nga pag-atake sang mga katapu sang Bangsamoro Islamic Freedom Fighters (BIFF) agud marescue ang ginakabig nga notoryos bomb expert nga si Muslimin Ladtugan alyas Kumander Mus nga isa man ka high ranking opisyal sang nasambit nga grupo.
Suno kay Police Supt. Gilbert Tuzon sang Midsayap PNP, ginpasaka na ang full alert status sa ila nga lugar kun diin may augmentation force naman ini nagikan sa Police Provincial Office sang North Cotabato agud nga mapunggan ang anuman nga plano sang BIFF.
Nahibaluan nga si Kumander Mus ang nagahimo sang bomba nga nagapatigayon sang operasyon sa Central Mindanao.
Madumduman nga naaresto si Kumander Mus sang gingingob nga pwersa sang militar kag kapulisan sa puluy-an sini sa Barangay Nabalawag kun diin nakuha sa posisyon sini ang nagkalain-lain nga armas, eksplosibo, mga bala kag IED.
Nahibaluan nga plano kuntani ni Ladtugan nga magpatigayon sang pag-atake sa probinsiya sang Maguindanao kag North Cotabato.
