KORONADAL CITY – Nagapadayon sa subong ang imbestigasyon sang Parang MPS sa nagluntad nga pagsigabong sang isa ka sa granada sa puluy-an sang sekretarya ni Vice Mayor Adnan Biruar sang Parang Maguindanao del Norte bahin sang Nituan Parang Maguindanao del Norte.
Base man sa reports, samtanga nagakatulog ang biktima nga si Aira Abedin sa sulod mismo sang iya nga hulot may ara suno pa sang naghaboy sang granada sa iya nga kwarto.
Nakaangkon sang pilas ang biktima sa nagkalain-lain nga bahin sang iya nga nga kalawasan kabangdanan nga gindangat ini sa isa ka balay-bulungan.
Sa kabaskog sang pagsigabong, nabuslot pa ang parte sang dingding nga balay sang biktima lakip man sang salakyan sini.
Sa karun naga tipon na sang CCTV Footage nga malapit sa lugar ang mga kapulisan agud nga matumod ang identity sang mga suspek.
Blangko naman ang mga otoridad sa motibo sa likod sang krimen.
Samtang naghatag naman sang 500,000 nga reward money ang Bise alkalde Adnan Biruar sang Parang Maguindanao sa kun sin-o man ang makatudlo ukon makahatag sang impormasyon angot sa pagpanghaboy sang granada sa iya sekretarya.
