KORONADAL CITY- Nagatalangison nga nagpangayo sang bulig ang isa ka amay sang Overseas Filipino Worker sa Dammam, Saudi Arabia nga naga eksperyensya sang pagpang maltratar kag hana nga pagpanglugos.
Sa ekslusibo nga interbyu sang Bombo Radyo Koronadal kay Freddie Jovenal amay sang OFW nga si Apole Jovenal, 23 anyos kag residente sang Brgy. Magsaysay syudad sang Koronadal nga kasamtangan nagatrabaho bilang OFW sa Saudi, indi na suno pa sini masarangan na makit-an ang bata sini nga naga antos sa Middle East kag nagakabatyag sang tuman nga kahadlok.
Ini naman ang rason kun nga-a nagapangayo ini sang bulig sa Bombo Radyo Koronadal.
Nahibaluan nga ang Agency sang iya bata amuh ang Injaz recruitment services kun sa diin ang recruiter sini amuh ang ginkilala lamang sa pangalan nga Mabeth sang Bo. 6 syudad sang Koronadal.
Samtang ginbuyagyag man ni Apole Jovenal ang OFW sa Dammam, Saudi Arabia nga luwas sa ginhana ini nga luguson sang una niya nga amo, ginbaligya man ini sa iban nga amo kag sa karun ang kasamtangan sini nga amo ang tuman man ka tonto.
Ini bangud masami siya ginasakit kun may dyutay nga indi maluyagan sa iya nga trabaho kag luwas pa dira siya man ang kun kaisa ginapagutman sang iya mga amo rason nga naga antos ini sang tuman sa iya nga sitwasyon.
Sa karun nagapanawagan ini sang bulig pinaagi sa Bombo Radyo Koronadal.
