KORONADAL CITY – Padayon sa subong ang ginahimo nga assessment sang Office of the Civil Defense Region 12 sa pipila ka mga lugar nga sakop sang SOCKSARGEN nga naka eksperiensyar sang pagbaha kag pagkatiphag sang duta.
Ini ang nangin pahayag ni OCD-12 Information officer Jorie Mae Balmediano sa interview sang Bombo Radyo Koronadal.
Suno sa iya, nagapadayon sa subong ang pagconsolidate sang ila nga pamunuan sa tanan nga mga datos nagikan sa nagkalain-lain nga banwa bangudsa epekto sang pag ulan sa rehiyon labi nga kasamtangan nga naka eksperyensiyar sang Inter Tropical Convergence Zone (ITCZ) nga masami nga madala sang dako nga tsansa sang pag-ulan sa pila ka mga naga panguna nga lugar sa rehiyon.
Ginpahayag man sini nga subong pa lamang naka-set-up na ang mga coordination mechanism sa pag-abot sang disaster kasubong na lamang sang paghibalo kun sa diin nahamtang ang evacuation sites, pila ang mga residente nga apektado kag ano ang mga lugar nga posible nga maapektuhan.
Dugang pa ni Balmediano nga nagpatigayon na sang capability building training sa tagsa ka disaster response team agud mangin handa ang mga ini sa pagsabat.
Samtang, may mga short term kag long term solusyon man nga ginahatagan emphasis sa pagsolbar sang disaster kag ini ang ginapahangop man sa tagsa ka LGU kag mga katawhan.
Sa ulihi ang padayon nga information drive ang makabulig sang dako agud masalbar ang kabuhi sang sin-u-man nga mangin biktima sang kalamidad.
