Indi magnaog sa 179 nga katawo ang patay matapos nagtabisok ang Jeju Air flight 7C2216 sa Muan International Airport sa South Korea sini nga adlaw sang Dominggo sang aga.
Sa karon, nakaluwas ang isa ka pasahero kag isa ka miyembro sang crew.
Ang Boeing 737-800, ang nagkaproblema sang makit-an ini sa runway nga wala sang landing gear bag-o nabunggo sa pader pasado 9:03 sang aga oras sa South Korea.
Suno naman sa mga nakakita, ila nabatian ang makusog nga impact sang paglupok antes pa ini mabunggo sa pader sang paluparan.
Ginpatihan man sang mga otoridad nga yara sang bird strike samtang ang eroplano ang magalanding.
Padayon ang mga emergency responders sa pagpangita sang mga lawas, kag ginkumpirma sang mga otoridad nga ang naluwas nga duha ka survivor sa tail section sang eroplano ang nagapaayo sa malapit nga balay bulungan.
