Nangin labing una nga double gold medalist si Mea Gey Niñura sang University of the Philippines sa ginhiwat nga women’s 5,000 meters sa UAAP Season 87 Athletics Championships sa New Clark City Stadium sa Capas, Tarlac.
Ginsundan sang graduating senior gikan sa Kapatagan National High School ang iya 10,000 meters nga titulo sa diin nakatapos ini sa oras nga 18:47.33, nagpanguna sa iya teammate kag national triathlete nga si Erika Burgos, nga may rekord nga 18:54.90. Nakumpleto ni Jessa Mae Roda sang National University ang podium sa oras nga 19:14.50.
Luyag ni Niñura nga makabawi sa ulihi nga season bilang pagbalik sa ginbulig sa iya sang UP kag nakapagtapos ini bangud sa nasambit nga unibersidad.
Nakuha sang University of Santo Tomas ang gold sa women’s javelin throw pinaagi kay Lanie Carpintero sa 47.36 meters, ginsundan ni Ann Katherine Quitoy sang De La Salle University nga may rekord nga 40.19 meters, kag si Elizabeth Sicat sang Adamson University’ sa rekord nga 37.87 meters.
