Pumanaw na si Benjamin Duterte, ang nakababatang kapatid ni dating Pangulong Rodrigo Duterte.
Ito ay kinumpirma ni Vice President Sara Duterte sa isang social media post nitong Sabado, kung saan pinasalamatan niya ang lahat ng nagpaabot ng pakikiramay at panalangin para sa kanilang pamilya.
Ayon sa bise presidente, malaki ang naging ambag ni Benjamin, kilala rin bilang “Tiyo Bong,” sa mga nagdaang taon, partikular sa paghahanda at pagpapatakbo ng kampanya para sa 2025 national at local elections. Binanggit ni VP Sara na ang tahimik ngunit makabuluhang pamumuno ng kanyang tiyuhin ay magiging malaking kawalan sa kanilang hinaharap na plano para sa 2028 elections.
“Si Tiyo Bong ay isa sa mga haligi sa likod ng aming mga gawain sa 2025 national at local campaign planning at operations. Malalim naming mamimiss ang kanyang tahimik na pamumuno habang tinatanaw namin ang 2028 elections. Nakakagaan ng loob ang aming pananampalataya, na ngayon ay may campaign manager kami sa langit na nagbabantay para sa tagumpay ng sambayanang Pilipino,” dagdag pa ni VP Sara sa kanyang post.
Ang pahayag ni VP Sara ay nagpapakita ng pagpapahalaga sa personal at propesyonal na kontribusyon ni Benjamin Duterte sa kanilang pamilya at sa pampublikong serbisyo.
