Nagdangat sa napulo ka libo ang mga nagprotesta sa mga syudad sa bug-os nga kalibutan agud magpawanagan sang ceasefire sa Gaza kag Lebanon bilang pagdumdum sa inaway sa teritoryo sang Palestina nga nagahilapit na sa isa ka tuig sini nga marka.
Sa Washington, masobra isa ka libo ang nag-demanda sa guwa sang White House nga untaton sang United States of America, top military supplier sang Israel, nga utaton ang paghatag sini sang bulig kag mga armas sa nasambit nga lugar.
Nagtilipon man ang mga pro-Palestinian supporters sa syudad sang Europe, Africa, Australia, kag America.
Magluwas diri, may yara man sang iban nga hublag nga ginhiwat subong nga Lunes kag ang mga nagpartisipar nga mga lugar ginlakipan sang New York, Sydney, Buenos Aires, Madrid, Manila, kag Karachi.
May ginpreparar man pagdumdum para sa Gaza October 7 attack ang London, Washington, Paris, kag Geneva.
Santo sa datus sang Al Jazeera as of October 6, nagdangat na sa 41,870 ka mga indibidwal ang napatay bangod sa nagapadayon nga giyera sa Gaza.
