Napaulat nga nagbitiw na bilang kalihim sang Department of Tourism (DOT) si Secretary Christina Frasco.
Ginreport man nga nagpadala na sang farewell message ang kalihim sa iya mga kaopisina sa ahensya, suno sa isa ka source.
Napaulat man nga nakakita na ang Malacañang sang papalit kay Frasco. Ini amo si veteran nga trade diplomat Dita Angara-Matahy, nga sa subong naga-serbisyo bilang commercial counselor sang Pilipinas kag special trade representative sa Tokyo.
Posible nga i-anunsyo ang bag-o nga appointment ni Angara-Matahy sa bisan ano nga oras.
Ang posible nga pagbulos sa liderato sang Tourism Department nagtupa pagkatapos nga nakabaton si Frasco sang kritisismo tungod sa ginahambal nga “self-promotion” sa government tourism materials, nga mariing ginpanginwala sang kalihim bilang wala sang basehan.
Sa subong, wala pa sang kumpirmasyon halin sa Malacañang parte sa posible pagbitiw sang DOT Secretary.
