KORONADAL CITY- Nagpaabot sang mensahe sang pagkabahala kag kahangawa ang pila ka mga residente sang North Cotabato makaligad nga makaabot sa ila ang impormasyon may kaangtanan sa desisyon sang Sangguniang Panlalawigan sang South Cotabato sa pag lift sa ban sang open pit mining sa probinsya.
Sa interview sang Bombo Radyo Koronada kay Mlang Vice Mayor, Joselito Piñol ginpahayag sini nga mangin sila sa bahin sang North Cotabato ang nabalaka man sa mga suno pa indi maayo nga desisyon sang SP sa South cotabato sa diin naka taya ang kina-iyahan kag buwas damlag sa bilog nga probinsya kag sa madason nga henerasyon.
Dugang pa sini, bangud sa natabo nga sala nga desisyon sang SP sang South Cotabato para sa mga pumuluyo nag desisyon ang ila nga banwa nga magapaguwa sang resolusyon para nga ipaabot ang ila nga sintemyiento kag kabalaka para man sa mga lawas sang katubigan nga ara sa ila nga mahimo mangin apektado man sa tion nga mag-operar na ang minahan sa South Cotabato.
Sa tion nga makadihon na sila sang resolusyon , ipaabot man nila ini sa iban pa nga mga kabanwahanan sa North Cotabato kag anu man ang ila nga makuha nga sabat, igapaabot nila ini sa SP sang South Cotabato para man nga makonsidera ang ila nga hingyo.
Suno pa sa iya, manugon gid sila sa tion nga maapektuhan ang mga katubigan sa ila labi na ang Liguasan Marsh kag Buluan River nga naga panguna man nga ginakuhaan sang palangabuhian sang pila ka mga residente nga malapit sa mga katubigan nga ini.
