Nakakuha sang 2 ka silver medals ang pampato sang Pilipinas nga si Micaela Jasmine Mojdeh sa 46th Southeast Asian Age Group Swimming Championships nga gintigayon sa Bangkok, Thailand.
Sa ulihi ng adlaw sang kumpetisyon nakakuha pa ini sang medalya ang Behrouz Elite Swimming Team standout kung sa diin nagpangaduha ini sa girls’ 16-18 200m butterfly.
Natala ni Mojdeh ang duha ka minuto nga 21.43 segundo agud masiguro ang medalya, samtang nanguna si Thi Thuy Trang Le sang Vietnam nga may ara sang 2:18.55.
Ang ikatatlo amo si Thitirat Charoensup sang Thailand nga yara sa 2:26.22.
Una na nakakuha sang medaya si Mojdeh sa 100m butterfly event kung sa diin naisumiter sini sang 01:3.40.
Nagpasalamat man si Mojdeh sa mga coaches sini amo man saiya nga ginikanan nga sila Joan kag Modj para sa pagsuporta sa iya.
Nakatalana nga magalakat si Mojdeh sa Seattle, Washington agud ipadayon ang training sini kaupod ang mga world-class coaches.
Pagapreparahan man ni Mojdeh ang qualifying event para sa 2025 Southeast Asian Games nga pagatigayunon man sa Bangkok.
