KORONADAL CITY – Mas ginpahugtan pa sang Cotabato Police Provincial Office ang pagtakod sang public advisory angot sa mga nagdata nga investment scheme sa North Cotabato kag mangin man sa 12.
Suno kay CPPO spokesperson Police Lt Col. Bernard Tayong, sa karon suno pa tubtob sa pagpahanumdom ukon pagpanawagan lang ang tikang nga mahimo sang mga pulis wala pa sila sang nabaton nga reklamo angot diri.
Wala man suno pa sila sang mga namonitor sa ila nga bahin nga nagsulod sa mga pyramiding scheme bangud estrikto ang panawagan ni Provincial Director Maximo Layugan nga likawan ang pagpartisipar diri.
Apang, nagpaandam suno pa ang regional director nga mahimo man nga kasuhan ang mga pulis sang “disobedience” kun mamonitor nga nagpartispar sa anuman nga sahi sang investment scheme ilabi na ang nagapabaya sa ila nga trabaho kag responsibilidad.
Magluwas sa mga tarpaulin nga ginpangtakod sa pampubliko nga lugar, nagpalapta man sila sang advisory sa social media.Top
