KORONADAL CITY – Indi man magpaulihi ang mga Pinoy sa pagpreparar agud nga saksihan ang pagdagsa sang mga turista kag mga delegado agud magtambong sa engrande nga opening ceremony sang Paris Olympics 2024.
Ini ang nangin pahayag ni Ms.Yeng Dormile, Bombo Correspondent to France sa interview sang Bombo Radyo Koronadal.
Suno sa iya, masami na nga naga dugay ang pagbiyahe sa transportasyon kag masami naman nga punuan na ang mga ini bangud sa numero sang mga pashero nga nag usar sang serbisyo sang mga ini.
Magluwas diri, posible man suno pa nga may mga re-routings sa pila ka mga dalanon bangud sa mga aktibidad nga ipatigayon sa pila ka mga lugar labi na sa Paris.
Ginpahugtan man sang mga otoridad ang pagbantay kag mga pagpatigayon sang mga inspections sa nagkalain-lain nga bahin sang France para masiguro ang seguridad kag katawhayan sang lugar.
Magluwas diri, may mga QR codes naman nga gina scan agud nga masiguro ang identity kag tuyo sang isa ka indibidwal sa isa ka lugar nga patigayunan sang mga events ukon aktibidad.
Ginaangan-angan naman ang grandiyoso nga opening ceremony sang Paris Olympics sa sikat nga river Seine.
![](https://img.bomboradyo.com/koronadal/2024/07/Paris-France-Correspondent.jpg)