KORONADAL CITY – Nakaalerto ang mga responders sa mga kabaranggayan sa siyudad sang Koronadal sa anuman nga kalamidad nga matuga dala sang pagbubo sang mabaskog nga ulan kag pagpanalasa sang hangin.
Ini makaligad nga may isa ka menor de edad nga napilasan matapos nga matumbahan sang puno sang kahoy ang isa ka puluy-an sa Barangay Mabini, Koronadal City.
Suno kay CDRRMO Cyrus Urbano, wala nagapabaya ang mga responders sa baylo nagatutok ang mga ini agud gilayon nga makabulig sa mga nagakinahanglan.
Kadungan sini, nagpaalimton man ang opisyal sa mga residente nga nagapuyo sa mga delikado nga lugar kasubong sang mga na-identify na nga landslide kag flash flood prone areas nga mangin vigilante sa tanan nga tion.
Kag kun nahibaluan nila nga delikado ang lugar, likawan na suno pa ang pagpatindog sang mga panimalay agud nga indi mabutang sa delikado nga sitwasyon ang ila nga kabuhi.
