KORONADAL CITY – Yara na sa kustodiya subong sang Criminal Investigation and Detection Group ukon CIDG BARMM kag mga kapulisan sa Cotabato city ang ABC president kag nagadalagan sa pagka-alkalde sang Datu Salibo, Maguindanao.
Ini makaligad nga naarestar ang suspek nga si Zamlon Guinomla Abdulwaris sang ginpatuman sang mga otoridad ang search warrant batok sa iya angot sa kaso nga paglapas sa RA 10591ukon illegal possession of firearms and ammunitions.
Suno kay Police Lt. Col. Esmael Madin sang CIDG BARMM, ginlunsyar ang operasyon sa Barangay Bagua Dos sang syudad.
Magluwas kay Abdulwaris, naarestar man sa nasambit nga operasyon ang duha pa kakaupdanan sini.
Nakuha naman ang mga wala sang lisensya nga mga armas, mga bala kag isa ka granada.
Suno kay Madin, ang ginlunsyar nila nga operasyon ang angot s agihapon sa ginapatuman nga Oplan Paglalansag Omega nga kampanya sang gobyerno batok sa loose firearms.
