KORONADAL CITY – Nagpaandam ang Philippine Drug Enforcement Agency (PDEA) region 12 sa mga kandidato sa palaabuton nga May 2019 Midterm Elections labi na ang mga nakasumiter sang COC nga ginasuportahan sang mga drug personalities ukon ang ginatawag nga mga narco politicians.
Sa interbyu sang Bombo Radyo Koronadal kay PDEA 12 Spokesperson Kath Abad, ginpahayag sini nga may nabaton sila nga report nga may mga narco politician nga nakafile sang COC apang padayon pa ang ila nga verification.
Suno kay Abad, dapat nga untatan na sang mga pulitiko ang pagpakig-angot ukon pagbaton sang kwarta gikan sa mga drug lords bangud wala suno pa ini sang maayo nga matuga.
Malain nga nagikan sa iligal nga droga ang kwarta nga ila ginabulig ukon ginahatag sa mga botante.
Kaangot sini, aminado si Abad nga may mga personalidad ukon kandidato sila nga ginatutukan nga nagasang-at sang ila nga kandidatura sa nagkalain-lain nga lugar sa Socsksargen.
Ginabantayan naman kun makaangkon sang surprise drug testing sa mga kandidato sa Region 12.
