Nakauli na sa pungsod ang masobra sa 300 ka mga Filipino halin sa United Arab Emirates.
Ginsakay sila sa ikatlo nga chartered flight nga gin-organisar sang gobyerno sang Pilipinas.
Sa kabug-usan nga 317 ka pasahero, kalabanan amo ang mga Overseas Filipino workers (OFW), kaupod ang 114 nila ka dependents kag 50 ka mga stranded nga Filipino nga pasahero.
Naghugpa ang nasambit nga eroplano sa Villamor Air Base sa Pasay City nga ginpangunahan ni Migrant Workers Secretary Hans Cacdac kag OWWA head PY Caunan ang pagsugata sa mga nag-abot nga mga Pilipino.
Wala naman nakatambong si Pangulong Ferdinand Marcos sa pagsugata bangud yara siya sa miting sang Economy and Development Council sang tion nga naghugpa ang eroplano.
Suno kay Palace Press Officer Claire Castro, ang pangulo mismo ang nagdesisyon nga sa Villamor Air Base maghugpa ang eroplano agud mangin mas dasig ang immigration processing kag malikawan ang aberya para sa ila mga himata nga masugat sa ila.
