KORONADAL CITY- Ginpahugtan pa sang Sultan Kudarat PNP ang ila nga kampanya batuk sa mga carnapper kag motornapper sa bug-os nga probinsya sang Sultan Kudarat.
Nahibaluan nga sa ginpatigayon nga Oplan Dakop Salakyan, naglab-ot sa 244 na ka mga motorsiklo, 1 ka muticab kag 41 ka mga traysikel ang nadakpan sa gintingob nga pwersa sang Isulan Municipal Police Station, LGU Isulan, Regional Mobile Force Battalion, HPG Sultan Kudarat kag Task Force Talakudong.
Kadam-an sa mga nadakpan nga salakyan ang wala sang may mapakita nga mga dokumento kun diin pila sa mga ini ang ginaimbestigaran pa bangud sa posibilidad nga mga kawat ang nasambit nga salakyan.
Kaangot sini, nagdugang man sang pwersa sa mga nagapanguna nga dalanon agud nga dakpan ang mga wala sang plaka nga salakyan nga ginagamit sang mga kriminal bilang getaway vehicle.
