KORONADAL CITY – Ginpahugtan pa sa subong sang mga otoridad ang monitoring sa masobra 20 ka mga barangay sa Maguindanao nga may presensiya sang Private Armed Groups kag Bangsamoro Islamic Freedom Fighters (BIFF) kadungan sang election period.
Ini ang ginpahayag ni 6th Infantry Division Philippine Army spokesperson Captain Arvin Encinas sa interbyu sang Bombo Radyo Koroandal.
Suno kay Encinas, kalakip sila nga nakaalerto sang Philippine National Police (PNP) kag COMELEC sa nasambit nga mga barangay.
Aminado si Encinas nga isa ang Maguindanao sa may mainit nga political rivalry bangud sa mga nagakatabo sang nagligad nga eleksiyon.
Ginpasiguro man sang AFP nga pahugtan pa nila ang pagbantay agud nga indi magmadinalag-on ang BIFF kag mga private armed groups nga magpatigayon sang kalakasan sa lugar.
