KORONADAL CITY – Nagserbe nga modelo sang mga pigado kag mga espesyal nga kabataan ang kabuhi sang isa ka special education teacher halin sa South Cotabato kadungan sa pagsaulog sang World Teachers Day.
Ginkilala ang nasambit nga manunudlo nga si Teacher Leonard Londres sang Koronadal National Comprehensive High School.
Suno kay Londres, pulo sila nga mag-ulutod kag siya ang nagserbe nga bread winner sang ila pamilya.
Nangin working student siya tubtob makatakop sa pagtuon.
Bangud sa luyag niya nga makabulig sa mga estudyante, nagdesisyon ini nga mangin isa ka Special Education Teacher kun sa diin nagahimo ini sang paagi agud makabulig sa mga estudyante nga may espesyal nga panginahanglanon.
Nagapati si Londres nga indi lamang ang pagtudlo sa mga kabataan makabulig sa ila apang dapat mangin role model kag inspirasyon man sang mga manunudlo sa mga estudyante agud makagradwar sila kag maangkon ang ila mga handom sa kabuhi.
