Isa ka lalaki patay sang ginluthang pasado 12:45 sang hapon sa Purok 1, Brgy Sinakulay, Pres. Quirino, Sultan Kudarat.
Ginkilala ang biktima nga si Tohame Bango Guipar, 36 anyos nga may asawa kag isa ka fish vendor, nga residente samg Ramcor (General Salipada K. Pendatun (GSKP).
Base sa report, isa ka tawag sa telepono ang nadawat sang President Quirino MPS angot sa nasambit nga insidente sang pagpamusil, nga dalayon man gin-beripika sang alert team kag duty investigator sang nasambit nga lugar kag nakumpirmar ini.
Nagahimo sa karon sang inisyal nga imbestigasyon kag nahibal-an nga ang nasambit nga biktima ang sakay sang isa ka CB Honda 125 color black nga may topdown nga naga duag sang blue kag palakat sa Brgy. Katiko, nga ginsundan nila ang duha ka indi pa nakilala nga lalaki kag wala sang probokasyon gin pusil ang biktima sang pipila ka beses.
Nagpagkit ini sang pipila ka mga tama sa nagkalain-lain nga parte sang lawas sini halin sa indi ma mahibal-an nga sahi sang armas luthang.
Samtang agn mga suspek ang madasig nga nakapalagyo matapos ang pagpamusil pakadto sa indi pa mahibal-an nga direksyon.
Dalayon man nagpatigayon sang checkpoint ang President Quirino MPS kag gin-alerto ang tanan nga boundaries agud sa posible nga pagkadakop sa mga suspek kag ang mga malapit nga istasyon sang mga pulisya para sa dragnet operation.
