Nanawagan si Swerte Partylist Rep. Arlyn Ayon sa Land Transportation Office (LTO) nga pansamantalang suspendihon ang pagpangdakop sa mga nagalapas sang traffic laws sa sulod sang duha tubtob tatlo ka semana, kasabay sang padayon nga pagsaka sang presyo sang langis.
Sa pagdinig sang House Committee on Transportation, ginpahayag ni Ayon nga nagalab-ot na sa mabug-at nga kahimtangan ang mga motorista bangod sang dako nga gastuhan, kag ang dugang pa nga multa halin sa mga apprehension nagadugang lang sang kabudlayan sa ila.
Suno sa mambabatas, ang tuyo sang panukala amo ang paghatag sang bulig kag ginbaw-an sa mga driver kag operator sang pampublikong salakyan nga direktang naapektuhan sang pagsaka sang presyo sang fuel.
Dugang pa niya, ang pansamantalang suspensyon makabulig agud maibsan ang kabug-atan nga ginabatyag sang mga ordinaryo nga Pilipino sa tunga sang pagsaka sang presyo sang mga balaklon kag pamasahe.
Sa pihak nga bahin, ginatun-an pa sang LTO kag iban pa nga ahensya sang gobyerno ang mga panukala nga posible makabulig sa hanay sang mga motorista sa sini nga tion sang krisis sa langis.
Samtang ang mungkahi ni Rep. Ayon nag-ani man sang nagkalain-lain nga reaksyon halin sa publiko.
