KORONADAL CITY – Nagahingyo sang bulig ang isa ka OFW nga ginakabalak-an ginamaltrato sa pungsod Kuwait sa isa ka pinay samtang ini ang nagpamalaklon sa isa ka mall sa Kuwait.
Ini ang ginpalab-ot sa Bombo Radyo Koronadal ni Gina Piñas, OFW sa Kuwait kag taga- Tacurong City, Sultan Kudarat matapos nga nakit-an ang papael kun diin nakasulat ang pagpangayo sang bulig sang isa ka Pinay sa nasambit man nga pungsod.
Suno kay Piñas, nagapila ini sa isa ka balaligyaan sa Kuwait sang hinali nga ginsiko ini sang isa ka babaye kag ginhulugan sang gamay nga papel.
Nakilala ang OFW nga nagahingyo sang bulig nga si Jenifer Cabundig nga taga-banwa sang Sto.Niño, South Cotabato.
Dugang pa ni Piñas, nakita niya mismo nga nagabanog ang mga mata ni Jenifer bangud sa paghilibion kag daw kasubong nga ginabantayan sang employer sini.
Sa subong, nagahingyo sang bulig si Piñas sa recruitment agency ni Cabundig kag sa mga talatapan sang gobyerno agud marescue ini kag makapauli sa iya pamilya.
