KORONADAL CITY – Lubos ang pagpasalamat sang isa ka maltreated OFW nga ginbaligya sang agency sa Kuwait matapos nga makapuli sang luwas sa pungsod.
Ginkilala ang Pinay DH nga si Richie Darle Peñafiel Isidro, may bana kag 3 bata nga residente sang Brgy. Topland, Koronadal City.
Suno kay Isidro, dako ang nabulig ni Bombo Correspondent Boyet Forro sa iya nga pagpauli bangud matapos nga maghingyo sang bulig ang iya pamilya angot sa problema sini sa Bombo Radyo Koronadal,wala na ini nagpabaya.
Ginsaysay man ni Isidro ang kabudlay nga naagyan sa 5 ka bata sang iya nga employer bangud sa pagpanakit sa iya.
Magluwas diri, wala man siya ginapakaon sang maayo kag wala ginaswelduhan.
Sa pagkamatuod, halos madunot ang kamot sini sa sobra nga pagtrabaho didto.
Sa subong, kaupod na ni Isidro ang pamilya sini.
Apang, apisar sa mapait nga eksperiensiya ni Isidro sa Kuwait, luyag niya nga mag-abroad sa gihapon apang indi na sa Middle East agud nga mabuligan ang iya pamilya.
