KORONADAL CITY- Nagapatigayon sang monitoring ang ahensya sang Provincial Disaster Risk Reduction and Management Office (PDRRMO) sa probinsya sang South Cotabato angot sa nabatyagan nga pag inulan sa probinsya.
Nahibaluan nga apisar sa bahin sang Luzon magaigo ang Super Typhoon Ompong ay apektado sa gihapon ang bahain sang Mindanao kun sa diin ginatutukan subong ang yara sa 5 ka mga banwa nga nakapagkit sang landslide kag pagbaha nga ginakabug-usan man sang syudad sang Koronadal, T’boli, Lake Sebu, Surallah kag Tupi.
Samtang sa pihak nga bahin, indi sa gihapon mapauliam sang mga residente sang Brgy. Cabudian, Banga, South Cotabato ang ila mga puluy-an makaligad wasakon sang buhawi kun sa diin ang mga indibidwal nga apektado ang nagapasilong na lamang sa mga puluy-an sang ila mga himata makaligad ang pagpanalasa sang buhawi.
Nagpaandam naman si PDRRMO chief Mila Lorca sa mga residente nga magpabilin nga alerto sa dalagan sang paniempo kag indi paghulaton nga magtaas ang lebel sang tubig baha kag maglala ang landslide bag-o magbakwit.
