KORONADAL CITY-Pilason sang gindangat sa balay-bululngan ang 2 ka menor de edad nga mag- utod makaligad nga gin labo ang mga ini sang isa ka lalaki nga ginapatihan nga nalisuan sang paminsaron sa Sitio Montel, Barangay Lamdalag, Lake Sebu, South Cotabato.
Ini ang gin kumperma sa Bombo Radyo ni Brgy.Captain Roger Ben sa nasambit nga barangay . Suno sa opisyal, nagalantaw sang TV sa sulod mismo sang ila nga puluy-an ang 15 anyos na bata sang gulpi nga nagsulod sa pinaagi sa likod nga pertahan ang suspek nga ila man nga tupad balay nga ginkilala nga si Carlito Aya Cayugan 44 anyos ,may asawa kag residente man sang nasambit nga lugar.
Gulpi nalamang suno pa gin labo sa tou nga paa sang suspek ang 15 anyos na bata usar ang isa ka bolo, labu-on pa tani sang suspek liwat ang biktima apang napunggan sang amay sang mga biktima samtang naga uyat ini sang manghod nya nga 2 anyos, rason nga naigo ang nasambit nga bata.
Gilayon naman nga gindangat sa pinakamalapit nga balay-bululngan ang ang mag-utod kag naga paayo na sa subong nga mga tinion Nahulog naman sa kamot sang mga otoridad ang suspek kag yara na sa subong sang Lake Sebu PNP.
Nahibaluan nga may ara sang mentall illness ang suspek base man sa mga nakakilala ka kaparyentehan sang suspek.
