KORONADAL CITY – Patay ang mag-amay sa pagpangluthang sa atubangan sang Central Elementary School sa bahin sang Brgy. Poblacion, Tupi, South Cotabato.
Ini ang ginpahayag ni Barangay Kapitan Aser Consing, Barangay Kapitan ng Polunoling sa interbyu sang Bombo Radyo Koronadal.
Suno sa iya pasado alas 11 kagaina sang aga nagluntad ang nasambit nga insidente.
Ginkilala ni Barangay Kapitan Aser Consing, Barangay Kapitan ng Polunoling, ang mga biktima nga sanday Mindato Abol, 58 yrs old, former barangay Kagawad kag ang bata sini nga si Armando Abol, 22, graduating sa kursong Criminology kag residente sang Barangay Polunoling, Tupi, South Cotabato.
Dugang pa sang Kapitan nga halin suno pa sa pagpabulong ang mag-amay kag papuli na kuntani apang pag-abot sa atubang sang eskwelahan gilayon ini nga ginpangluthang sang riding in tandem suspects.
Suno sa pa Kapitan, nga indi nya matumod kung ano ang motibo sini sang krimen bangud maayo nga tao ini kag nangin dati man nga barangay official.
Nahibaluan nga ulo ang igo sang mga suspek.
Sa karun nagapadayon pa ang imbestigasyon sang mga otoridad sa nasambit nga insidente.
