KORONADAL CITY-Mas nag data pagid ang kinawatay kag sinudlanay sang mga establishemento ukon looting sa bahin sang Surigao City bangud sa tuman ka gutom nga maekperyensyahan sang mga apektado nga mga residente nga wala naabutan sang relief goods tubtub sa subon nga mga tinion.
Ini ang nangin pahayag ni Ms. Grace Calaggui, isa ka manunudlo sa Surigao City sa eklusibo nga interview sang Bombo Radyo Koronadal . Suno sa iya, 97% devastated gid kun kabigon ang Surigao sa epekto ni Odette kun sa diin nagdala sang madamo nga pagkaguba sa estabisyemento kag kabalayan.
Dugang pa sini, mag nagdata pagid ang looting sa ila nga lugar kun sa diin ginaguba na sang pila ang mga tindahan nga naapektuhan sang bagyo para mau makaun lamang.
Magluwas pa diri, may ara man sang pagsaka sa presyo sang mga nagapanguna nga mga balaklon kag pamasahe kun sa diin nagdoble pa ang mga balor sini.
Sa subong naga pangayo gid ang Surigao City sang bulig para sa liwat nga pagbangun sang ila nga lugar kag pagkaun man sang mga apektado nga mga residente nga naga hulat tubtub sa subong.
