KORONADAL CITY – Gin-ako sang mga local health officials kag chief executives sa probinsya sang South Cotabato nga nabudlayan sil sa nagapadayon nga pagpatuman sang Balik-Probinsya program.
Suno kay Banga Mayor Albert Palencia sa interbyu sang Bombo Radyo Koronadal, ginpahayag sini nga paubos na ang ila pondo bangud sa pagpakaon sa masobra 300 repatriates nga nag-abot sa ila banwa.
Kun magapadayon suno pa aini, mabudlayan na sila nga magkuha sang dugang nga pondo.
Samtang sa siyudad naman sang Koronadal, gin-ako man ni City Health Officer Dr. Editho Vego nga natintal ini nga indi pagbatunon ang mga kasimanwa apang kinahanglan nga tumanon sandig sa mando ni Pangulong Rodrigo Duterte.
Magluwas diri, ginbuyagyag man sang opisyal nga mangin ang mga medical frontliners nagpahayag na sang ila kakapoy labi pa nga gamay lamang ang ila manpower kag hinali man ang abiso sa ila nga may magaabot halin sa mga pantalan sa Cagayan de Oro papuli sa siyudad sang Koronadal.
Nagaapela naman si Vego nga kuntani kay-uhon ang sistema sa repatriation sang mga kasimanwa.
