KORONADAL CITY – Dako ang pagpati ni tatay Diorito Bitantos nga kahimoan sang local ISIS-inspired group ang yara sa likod sa pagpang-ambush sa duha ka pulis sa Brgy. Koronadal Proper, Polomolok, South Cotabato nga nagresulta sa ila kamatayon.
Sa interbyu sang Bombo Radyo Koronadal sa tigulang nga Bitantos, ginpahayag sini nga ang nasambit nga grupo ang responsable man sa pagpang-ambush sa pila ka mga police officials sadto sa nasambit nga lugar.
Ginpahayag sini nga pagpanimalos ang ginalantaw nga anggulo sa pagpatay sa bata sini nga si PCpl. Witzel Russ Bitantos kag bestfriend sini nga si Patrolman Bryan Costelo bangud sa wala untat nga operasyon sang kapulisan batok sa nasambit nga armed group.
Liwat man ini nga nagpasalamat sa tanan nga mga nakig-unong kag nagbulig sa ila nga kahimtangan.
