KORONADAL CITY- Panibag- o na naman nga mga miyembro sang mga terorista nga grupo ang nagbalik sa sabak sa gobyerno.
Suno pa sa report nga nakuha sang Bombo Radyo, lima na naman ka mga miyembro sang BIFF-Karialan Faction.
Ginpresenta ang mga ini kay Brigadier General Leodivic Guinid, Commander sang 1st Brigade Combat Team.
Dala sang mga ini ang ila nga mga armas nga ginakalakipan sang tatlo ka (3) 7.62mm Sniper Rifles, isa ka (1) Garand Rifle, isa ka (1) Grenade Launcher kag isa ka (1) Rocket Propelled Grenade (RPG). Nakabaton man ini sang ng inisyal nga bulig gikan sa BARMM Government.
Gindayaw naman ni Brig. Gen. Guinid ang padayon nga pagpaningkamot sang tagsa tagsa ka mga kasuldaduhan sa South Central Mindanao kag malikayan ang ano man nga kinagamo sa ila nga nasakupan.
