Indi magnubo sa lima ka barko ang gin-atake sa Persian Gulf kag sa Strait of Hormuz matapos gin-alegar nga gin-salakay sang mga bangka nga may dala nga eksplosibo halin sa Iran ang duha ka fuel tanker sa kadagatan nga sakop sang Iraq, suno sa mga opisyal sa pantalan kag mga kompanya sang maritime security.
Nagasunog ang duha ka tanker kag isa ka crew member ang napatay, samtang padayon nga ginapangita sang mga rescue team ang iban pa nga nadula.
Suno sa mga ulat, kabahin sa mga barko nga naigo amo ang Safesea Vishnu kag Zefyros, nga pareho may karga nga fuel halin sa Iraq.
Ginatan-aw ang insidente bilang paglala sang tensyon sa tunga sang Iran kag sang mga pwersa sang United States–Israel, kun sa diin naglab-ot na sa 16 ka barko ang napinsala halin sang nagsugod ang mga pag-atake sang Pebrero 28.
Bangod sa padayon nga kaguluhan sa Strait of Hormuz, nga ginadalagan sang halos isa ka-kapat sang suplay sang langis sa bug-os nga kalibutan, halos nag-undang na ang shipping sa lugar.
Nagdala ini sang pagsaka sang presyo sang langis sa pandaigdig nga merkado, nga naglab-ot sa pinakamataas nga lebel halin sang 2022.
