KORONADAL CITY-May nabaton nga pagpamahog si Mayor Christopher “Amping” Cuan, isa kabulan bag o paman ang plano nga pagpatay sa iya sa atubang mismo sang municipal hall sang Libungan, North Cotabato.
Ini ang ginkumpiramr ni PCI Orphie Julian, hepe sang Libungan PNP sa eksklusibo nga interbyu sang Bombo Radyo Koronadal.
Suno kay PCI Julian, nakapagpa-blotter pa ang alkalde sa police station bangod sa nagapalibot nga mga salakyan sa ila nga puluy-an.
Apang, nagpamalibad si Julian nga ihambal kun sin o ang ginadudahan sang alkalde nga luyag magpapatay sa iya.
Wala man ginakakas sang kapulisan nga pulitika ang motibo sa pagpanghadlok kag plano nga pagpatay sa alkalde.
Sa subong padayon pa nga ginahibalo sang Libungan PNP ang identity sang sniper nga plano nga magpatay sa opisyal kun sa diin naigo naman ang utility worker sang munisipyo nga si Alejandro Catulong.
