Liason officer sang Deped-ARMM, dakpan sa buybust ops

KORONADAL CITY – Natalana nga pasakaan sang nagakaigo nga kaso ang isa ka liason officer sang DepEd-ARMM makaligad natikma sa ginpatigayon nga drug buybust operation sa bahin sang Prk. Malipayon, Brgy. Poblacion, Esperanza, Sultan Kudarat.

Ginkilala ni Police Major Garyflor Marfil, hepe sang Esperanza PNP ang suspek nga si Jether Dalem Bahagi, 36 anyos kag residente sang nasambit nga lugar kun sa diin nakumpiskar sa iya ang isa ka sachet sang ginapatihan nga shabu kag P500 nga mark money.

Gintumod ni Marfil si Bahagi bilang newly identified watchlist sang Esperanza PNP.

Sa subong ginalagas na sang mga kapulisan ang mga posible nga kaupdanan sini kag mga suppliers sang ilegal nga droga.